Besabitik Adarrara doan bidea hartuko dugu. Behin Adarraren atzekoaldera iristen garenean, zuzen jarraituz “Eteneta I” Mairu Baratza aurkituko dugu. Aurrerago jarraituz gero “Eteneta II” Mairu Baratza aurkitzen da. Mendian gora jarraitu eta gero beherantz doan bidexka hartuz, “Otsolepo” Mairu Baratzera iritsiko gara. Hortik, berriz ere “Eteneta I” aldera zeharka igotzen den bidexka hartuko dugu. Adarra mendi punta aldera eskuinaldetik igo eta puntan “Tximistako Egia” Mairu Baratz multzoa aurkituko dugu. Beheraka jeisten joanez, “Tximista” Mairu Baratza multzoa aurkitzen da. Behera jarraitzen badugu, “Elurzulo” mairubaratza aurkituko dugu eta beheraxeago, ezkerrerantz besabi aldera bueltan doan bidexka hartu dezakegu.